LEIKSKÓLINN BIRKILUNDUR
560 Varmahlíð
Sími 453 8215
Sími á Reynilandi 5718215
GSM leikskólastjóra: 8469014
Netföng:
birkilundur@skagafjordur.is (leikskólastjóri)
lindabj@skagafjordur.is (Linda deildarstjóri á Könglalandi)
sigridurh@skagafjordur.is (Sigríður deildarstjóri á Kvistalandi)
gudbjorgs@skagafjordur.is (Guðbjörg deildarstjóri á Reynilandi)
birkilundur2@skagafjordur.is (starfsmannatölvur)
Netföng á deildum:
konglaland@skolar.skagafjordur.is
kvistaland@skolar.skagafjordur.is
reyniland@skolar.skagafjordur.is
Opnunartími: 7:45-16:15
Leikskólinn Birkilundur er staðsettur í Varmahlíð. Hann var vígður 29. janúar 1999, en hann tók við af leikskólanum Hvannahlíð, sem var starfræktur frá 1982. Deildir leikskólans eru þrjár; Kvistaland rúmar 13 börn og Könglaland 15 börn. Þriðja deildin er Reyniland, sem staðsett er í húsnæði þar sem áður var pósthús í Varmahlíð. Sú deild var tekin í notkun 17. mars 2016 og og rúmar 11 börn. Þar eru yngstu börnin vistuð. Leikskólinn hefur einnig til afnota Furulund 5, sem stendur við hornið á lóðinni. Er það nefnt Furuland og nýtt sem leikrými.
Birkilund sækja börn af öllu skólasvæði Varmahlíðarskóla.
Umhverfi leikskólans er mjög fjölbreytt. Þar er mikill trjágróður og móar og melar fyrir ofan. Við hliðina á leikskólanum er skógarreitur sem Skógræktarfélag Skagafjarðar á. Eru trén þar orðin hávaxin og veita gott skjól í garðinum auk þess sem þar er kjörið útivistarsvæði. Varmahlíðarhverfið er byggt austan í Reykjarhólnum. Reykjarhólsskógur þekur mestan hluta hólsins, gangstígar eru víða um skóginn og alla leið upp á topp. Á toppnum er hringsjá og mikið og fallegt útsýni. Húseyjarkvíslin rennur neðan við Varmahlíðarhverfið og er í stuttu göngufæri frá leikskólanum. Þar er oft fjörugt fuglalíf.
Markmið Birkilundar
· Að vinna með umhverfið og náttúruna
· Að styðja við frjálsa leikinn
· Að bjóða uppá hreyfingu, útiveru og hollt mataræði
· Að efla félagslega færni
· Að styðja við málörvun og málskilning
· Að örva skapandi starf
Til þess að ná þessum markmiðum er á hverjum degi gefinn góður tími fyrir sjálfsprottinn leik, boðið er upp á fjölbreyttan efnivið til að vinna með og unnið er með sérstök viðfangsefni í minni hópum. Tákn með tali er notað í daglegu starfi leikskólans (sjá nánar á tmt.is). Unnið er með Stig af stigi í elstu árgöngunum (upplýsingar á netinu á reynismenn.is). Útivera er daglega og lögð er áhersla á hollt mataræði.
Til þess að tryggja vellíðan barnanna í leikskólanum höfum við ákveðnar reglur og ramma um starfið. Þess vegna er Birkilundur SMT skóli. Það skapar öryggi hjá börnunum að vita að hverju þau ganga.
